Amazon cəngəlliklərində qədim şəhər tapdılar

Braziliyalı arxeoloqlar yeni tapıntı haqqında məlumat yayıblar. Onlar Amazon cəngəlliklərində qədim şəhər aşkar etdiklərini bildirirlər.

Bizimyol.info xəbər verir ki, şəhər hələ 3 min il əvvəl mövcud olub, yetərincə inkişaf edibmiş. Amazonas ştatındakı qədim yaşayış massivinin aşkar olunmasında ispan keşiş Qaspar de Karvaxalın 16-cı əsrdəki qeydləri böyük rol oynayıb. O, Amazon çayı boyunca xeyli yeri gəzmiş, hindu qəbilələrinin kəndləri haqda yazmışdı.

Keşişin yazdıqlarından belə anlaşılır ki, indi sıx meşənin içində görünməz olan yerdə o vaxt xeyli insan yaşayırmış. 40 tədqiqatçının yer aldığı ekspedisiyanın gəldiyi nəticə də yazılanlara uyğundur. Orada daha qədim sivilizasiyanın izlərini aşkar ediblər.

Araşdırma göstərir ki, yaşayış massivində evlər kortəbii tikilməyib, müəyyən memarlıq elementləri hiss olunur. Burada kənd təsərrüfatı yaxşı inkişaf edibmiş. Məsələn, qədim şəhərdə böyük, təxminən 500 metr uzunluğunda Braziliya qozu bağı olduğu üzə çıxıb. Hiss olunur ki, bağa ayrıca adam qulluq edirmiş.

Şəhərin qalıqları arasında qab-qacaq, keramik əşyalar da tapılıb.

Bizimyol.info

ƏVVƏLKİ XƏBƏR

Boltonun gedişi ABŞ-ın siyasətinə təsir etməyəcək - Vəhab

SONRAKI XƏBƏR

Avropada yeni separatizm təhlükəsi: müsəlmanlar muxtariyyət tələb edirlər