Madrid, 12 sentyabr, AZƏRTAC

İspaniyanın Valensiya şəhəri 2022-ci ilin dünya dizayn paytaxtı adı uğrunda müsabiqənin finalında Hindistanın Banqalor şəhərini geridə qoyaraq qalib adını qazanıb.

AZƏRTAC xəbər verir ki, 2022-ci ildə Valensiyada keçiriləcək çoxsaylı tədbirləri – konqres, sərgi, seminarları təxminən 10 min nəfər ziyarət edəcək.

Təşkil olunacaq bütün tədbirlər mövzular üzrə bölüşdürüləcək: dizayn və təbiət, Aralıq dənizi bölgəsi dizaynı, dizayn və gender bərabərliyi, dizaynın tarixi, sənaye dizaynı, dizayn və iqlim dəyişməsi.

2022-ci ildə Valensiyanın otellərini də gücləndirilmiş iş rejimi gözləyir.

Nigar Cəfərli

AZƏRTAC-ın xüsusi müxbiri

Madrid

Mənbə: azertag.az