Bakı, 9 oktyabr, AZƏRTAC
AMEA akademik Həsən Əliyev adına Coğrafiya İnstitutunun və Azərbaycan Coğrafiya Cəmiyyətinin birgə təşkilatçılığı ilə keçirilən coğrafi informasiya sistemləri (CİS) üzrə təlimlər davam edir.
Coğrafiya İnstitutundan AZƏRTAC-a bildirilib ki, oktyabrın 9-da BMT-nin Ətraf Mühit Proqramı (GRID-Cenevrə) və Cenevrə Universitetinin Ətraf Mühit İnstitutunun coğrafi informasiya sistemləri üzrə aparıcı mütəxəssisi Yaniss Quiqoz və Coğrafiya İnstitutunun əməkdaşı Yaşar Nəsibovun iştirakı ilə seminar-məşğələ keçirilib.
Yaniss Quiqoz “Məkan məlumatları infrastrukturunun konsepsiyası” və “WebGIS” mövzularında təqdimatlar edib.
Mənbə: azertag.az