Ayaqqabısında narkotik vasitə və psixotrop maddə keçirərkən yaxalandı

Cənub Ərazi Baş Gömrük İdarəsinin Astara gömrük postunda İran İslam Respublikasından piyada yolla gələn Azərbaycan Respublikası vətəndaşı gömrük nəzarəti zamanı özünü şübhəli apardığı üçün saxlanılıb və üzərində şəxsi yoxlama aparılıb.

Dövlət Gömrük Komitəsindən Cebhe.info-ya verilən məlumata görə, şəxsi yoxlama zamanı onun ayaqqabısının hər iki tayının içərisində bağlama və bükümlər müəyyən edilib. Baxış zamanı 2 ədəd bağlamada qablaşdırılması ilə birlikdə çəkisi 52 qram olan açıq qəhvəyi rəngli narkotik vasitə - heroin, 2 ədəd bükümdə isə qablaşdırılması ilə birlikdə çəkisi 4 qram olan ağ kristal şəkilli psixotrop maddə - metamfetamin aşkar edilib.

Xatırladaq ki, metamfetamin "Azərbaycan Respublikasının ərazisində dövriyyəsi qadağan edilən psixotrop maddələrin I Siyahısı"na daxildir.

Faktla bağlı araşdırma aparılır.

Cebhe.info

 

 

Cebhe.info

ƏVVƏLKİ XƏBƏR

Ali Məhkəmə 1994-2010-cu illərdə hərbi tribunallarda çalışmış məhkəmə işçilərinə müraciət edib

SONRAKI XƏBƏR

Siqaret və spirtli içki qaçaqmalçıları ifşa edildi