Bakı polisi: Qadının itkin düşməsi, yaxud qaçırılması ilə bağlı müraciət daxil olmayıb

“Sosial şəbəkələrdə fotosu paylaşılan Seyranə adlı şəxsin itkin düşməsi, yaxud qaçırılması ilə bağlı paytaxt polisinə hər hansı müraciət daxil olmayıb”.

Bu barədə “Report”un sorğusuna cavab olaraq Bakı Şəhər Baş Polis İdarəsinin (BŞBPİ) Mətbuat xidmətinin rəisi, polis mayoru Elşad Hacıyev bildirib.

Onun sözlərinə görə, qadının polis tərəfindən saxlanılması barədə məlumatlar həqiqəti əks etdirmir.

E.Hacıyev qeyd edib ki, BŞBPİ-nin tabeli polis orqanları tərəfindən Seyranə adlı şəxs saxlanılmayıb.

Qeyd edək ki, sosial şəbəkələrdə Seyranə adlı şəxsin itkin düşməsi, yaxud qaçırılması ilə bağlı məlumat yayılıb.

Report.az

ƏVVƏLKİ XƏBƏR

Neymar 100-ə çatdı

SONRAKI XƏBƏR

Təyyarənin qəzalı enişindən sonra Yekaterinburq aeroportu fəaliyyətini bərpa edib