Arvadını əyləndirmək istəyən kişi milyonçu oldu

Arvadını əyləndirmək istəyən kişi milyonçu oldu

Britaniyalı qeyd edib ki, qazandığı pulları nəvələrinə xərcləməyi və həyat yoldaşı üçün rahat olsun deyə evin planını dəyişməyi düşünür

Böyük Britaniya sakini Kevin Frensis xəstə həyat yoldaşını əyləndirməyə çalışarkən milyon funt sterlinqə sahib olub. Sputnik Azərbaycan xarici mətbuata istinadla xəbər verir ki, kişi 75 yaşlı xəstə həyat yoldaşı Brenda üçün 10 funt verərək, iki ədəd "Merry Millions" lotereya kartı alıb.

Kevin həyat yoldaşı ilə birlikdə kartları sildikdən sonra nəticələri qazanılan rəqəmlərlə müqayisə edib. Qazanılan mükafat bir milyon funt olub.

"Mən şokda idim. Brendaya bir saat ərzində heç nə demədim. Ancaq mən qərar verib, ona deyəndə də o elə düşündü ki, zarafat edirəm", - deyə Kevin bildirib. Britaniyalı qeyd edib ki, qazandığı pulları nəvələrinə xərcləməyi və həyat yoldaşı üçün rahat olsun deyə evin planını dəyişməyi düşünür.

Mənbə: sputnik.az