Nazir: "Su problemi bu gün qlobal şəkildə müzakirə olunan məsələrdəndir"

"Su problemi bu gün qlobal şəkildə müzakirə olunan məsələrdəndir".

APA xəbər verir ki, bunu Ekologiya və Təbii Sərvətlər Nazirliyinin mühit üzrə Milli Monitorinq Departamentinin yenidən qurulmuş Laboratoriyası Mərkəzinə baxış zamanı Ekologiya və Təbii Sərvətlər naziri Muxtar Babayev deyib. Onun sözlərinə görə, bizim regionda suların, xüsusən də transsərhəd suların idarə olunması və istifadə olunması, kəmiyyəti, keyfiyyəti diqqət mərkəzindədir:

"Avropa İttifaqının bu layihədə aktiv iştirakı, layihənin həyata keçirilməsi bu məsələlərin Ai tərəfindən də diqqətdə olduğunu göstərir. Bir neçə laboratoriyanın qurulması və akkreditasiyası, burada çalışanlara təlimlərin keçirilməsi növbəti mərhələdə geniş mübadilə sisteminin qurulması olacaq. Bu, Azərbaycan üçün önəmli layihədir. Dövlət bu məsələlərdə böyük proqramlar icra edir".

Nazir qeyd edib ki, son ildə dövlət tərəfindən bir neçə çayda su laboratoriyalarının qurulması təşkil olunub:

"Alınan nəticələrlə müasir, çevik sistem qurulmasına çalışacağıq. Bizim Ai ilə bir neçə layihəmiz var ki, hamısı uğurla icra olunur. Maraqlıyıq ki, növbəti mərhələdə də bu layihələri davam etdirək. Layihənin gerçəkləşməsində Aİ-yə və layihəyə dəstək olan təşkilatlara minnətdarıq. İnanıram ki, bu əməkdaşlıq daha da genişlənəcək. Ai ölkələri ilə birgə layihələrimiz növbəti mərhələdə daha böyük hədəflər gözləyir".

Apa.az

ƏVVƏLKİ XƏBƏR

“Donbass problemi Dağlıq Qarabağ probleminə oxşamağa başlayıb” - Elxan Şahinoğlu

SONRAKI XƏBƏR

Çindən öz şirkətləri ilə bağlı - VACİB QƏRAR