Praqanın məqsədi 2030-cu ilə qədər “yaşıl elektrik enerjisi”nin payını 22 faizə çatdırmaqdır

Praqa, 14 yanvar, AZƏRTAC

Çexiya yaşıl mənbələrdən hasil edilən elektrik enerjisinin səviyyəsini təzəcə qədəm qoymuş yeni onillikdə 22 faizə çatdırmaq niyyətindədir.

AZƏRTAC xəbər verir ki, bu günlərdə Praqa ölkənin enerji-iqlim xartiyasını bəyənib. Çexiya hökuməti həmin xartiyanı Brüsselin tələblərini nəzərə alaraq işləyib hazırlayıb. Avropa Komissiyası bir il əvvəl bəyan edib ki, Çexiyadan bu ölkədə alternativ mənbələrdən elektrik enerjisinin payının 23 faizə qədər artırılacağını gözləyir. Bəzi deputatlar daha da irəli gedərək hökumətdən həmin səviyyəni 2030-cu ilədək 24 faizə çatdırmağı tələb edib.

 

Pərvanə Qarayeva

AZƏRTAC-ın xüsusi müxbiri

Praqa

Azertag.az

ƏVVƏLKİ XƏBƏR

Belə bir şey necə ola bilər?

SONRAKI XƏBƏR

Baş nazir Ukrayna təyyarəsinin vurulmasına görə Trampı ittiham etdi