Kəngərli rayonundakı meyvə bağına calaq olunmuş püstə fidanları əkilib

Muxtar respublikada əkinçilik üçün yararlı olmayan torpaq sahələrində meliorativ tədbirlərin görülməsi və yeni meyvə bağlarının salınması diqqətdə saxlanılır. Görülən işlərin davamı olaraq Kəngərli rayonundakı püstə bağına 500 calaq olunmuş püstə fidanı əkilib.

AZƏRTAC-ın Naxçıvan bürosu xəbər verir ki, Türkiyə Respublikasından 500 ədəd yüksək məhsuldarlıqlı calaqüstü gətirilərək püstə tinglərinə calaq edilib. Ərazinin 6 hektar sahəsində 1100 dibçəkdə yetişdirilmiş püstə fidanı, 4 hektarında isə 2 kiloqram püstə toxumları ilə bərpa işləri aparılıb.

Qeyd edək ki, “2016-2020-ci illərdə Naxçıvan Muxtar Respublikasında meyvəçiliyin və tərəvəzçiliyin inkişafı üzrə Dövlət Proqramı”nda nəzərdə tutulan vəzifələrin yerinə yetirilməsi muxtar respublikada meyvə bağlarının genişlənməsinə, əhalinin keyfiyyətli meyvə və tərəvəz məhsulları ilə təminatına imkan verir.

Azertag.az

ƏVVƏLKİ XƏBƏR

Dmitri Peskov: Rusiya və Türkiyə İdlib problemi ilə bağlı müxtəlif səviyyələrdə sıx əlaqədədir

SONRAKI XƏBƏR

Azərbaycanın ən parlaq ulduzu kim olacaq?