Tokio, 13 avqust, AZƏRTAC
Avqustun 13-də İndoneziyanın mərkəzi hissəsində yerləşən Bali adasının sahillərində 4,9 bal gücündə zəlzələ olub.
AZƏRTAC xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Yeraltı təkanların episentri Denpasar şəhərindən 184 kilometr cənub-qərbdə, ocağı 10 kilometr dərinlikdə yerləşib.
Həmin gün bir qədər əvvəl Avropa-Aralıq dənizi Seysmoloji Mərkəzi Bali sahillərində 4,8 bal gücündə daha bir zəlzələ qeydə alıb.
Dağıntılar və zərərçəkənlər barədə hələlik məlumat verilmir.
Vüqar Ağayev
AZƏRTAC-ın xüsusi müxbiri
Tokio
Mənbə: azertag.az