Həmin şəxsin Sumqayıt şəhər sakini, 1976-cı il təvəllüdlü Ş. K. olduğu müəyyən edilib
İradə Cəlilova, Sputnik Azərbaycan
BAKI, 10 sentyabr — Sputnik. Sumqayıt bulvarında intihara cəhd edən qadın xilas edilib.
Bu barədə Sputnik Azərbaycan-a Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətindən məlumat verilib.
Bildirilib ki, bu gün saat 15.40-da xidmətin strukturuna daxil olan "Sumqayıt" sularda xilasetmə məntəqəsindən bir qədər aralıda - Sumqayıt bulvarına yaxın nəzarətsiz ərazidə bir qadın intihar etmək məqsədilə suya atılıb. Qadın xidmətin xilasediciləri tərəfindən xilas edilib.
İntihara cəhd edən qadın və xilasedicilər
Həmin şəxsin Sumqayıt şəhər sakini 1976-cı il təvəllüdlü Ş. K. olduğu müəyyən edilib.
Mənbə: sputnik.az