Honq Konqda həbs olunanlar arasında 12 yaşlılar var

Honq Konq polisinin cümə axşamı verdiyi məlumata görə, şəhərdəki nümayişlərin başlamasından bəri 12 yaşlı etirazçılar da daxil olmaqla 1365 nəfər həbs olunub.

Mövcud iğtişaşlar əvvəlcə Çinə ekstradisiyaya icazə verilməsi üçün planlaşdırılan qanunvericiliyə qarşı qəzəbdən qaynaqlanıb, lakin daha sonra demokratiya və Pekindəki kommunist hökümət rəhbərlərinin şəhərdən əl çəkmək çağırışlarına səbəb olub.

Çin müdaxilə etdiyini danır və ABŞ, İngiltərə və digər ölkələri iğtişaşları qızışdırmaqda günahlandırır.

Honq Konq polisinin ictimaiyyətlə əlaqələr şöbəsinin rəisi Tsu Çun-Çunqun mətbuat konfransında verdiyi məlumata görə, polis bazar günü keçirilməyi planlaşdırılan yürüşü "ictimai təhlükəsizliklə əlaqədar narahatlıq olduqları üçün" qadağan edib.

Polis son həftələrdəki zorakılığa gözyaşardıcı qaz, bibər qazı, rezin güllə, havaya bir neçə güllə atışı, su şırnağı və dəyənəklərlə cavab verib. Bu isə ifrat güc tətbiq olunması barədə şikayətlərə səbəb olub.

Amerikaninsesi.org

ƏVVƏLKİ XƏBƏR

Polşa silah arsenalını yeniləyir

SONRAKI XƏBƏR

"Sumqayıt" "Zenit"in sabiq futbolçusu ilə müqavilə imzalayıb