Mafiyaların savaşında bir həftə ərzində 48 nəfər öldürülüb - FOTO

Mafiya müharibəsinin bitmək bilmədiyi Meksikada yenə dəhşət yaşanıb. Kuanajuata əyalətində cümə günündən bu yana 48 nəfər mafiyalararası savaşlarda öldürülüb...

Ötən həftənin cümə günündən bazar ertəsinə qədər baş verən savaşlarda uşaq və qadınlar da daxil olmaqla 48 nəfər qətlə yetirilib.

Meksika rəsmiləri bildirir ki, adı açıqlanmayan uşaq yemək yeyərkən 10 nəfər arasında qəfil başlanan silahlı atışmada öldürülüb. Sonradan bəlli olub ki, uşağın atası və hamilə anası da hadisə yerində qətlə yetirilib.

Yerli media baş verən dəhşətin fotolarını yayıb. Fotolardan açıq görünür ki, küçələr cəsədlərlə doludur.

Ən qəribəsi budur ki, bu dəhşətli cinayətlərlə bağlı Meksika hökuməti heç kimi həbs edə bilməyib.

Statistikaya əsasən, Kuanajuata əyalətində 2020-ci ildən bu yana mafiya savaşlarının qurbanı olanların sayı 301 nəfərdir. Onlardan bəziləri mafiya üzvü olsalar da, digərləri mafiyalararası atışmaların baş verdiyi yerlərdə olduğundan qurbana çevriliblər.

Meksika hökumətinin rəsmi açıqlamasında bildirilir ki, Kuanajuata əyalətində 2019-cu ildə 3540 nəfər öldürülüb.(reytinq.az)

pia.az

Pia.az

ƏVVƏLKİ XƏBƏR

Mərkəzi Bank “AccessBank”a vəsait ayırıb

SONRAKI XƏBƏR

İranda güclü zəlzələ: çox sayda yaralı var