2019-cu il dekabrın 2-də işğal altında olan Qarabağdakı hərbi hissələrindən döyüş mövqeyində məcburi müddətli hərbi qulluqçu Artur Acamyanın ölümü ilə bağlı məhkəmə-tibbi ekspertizasının nəticələri gəlib. Ordu.az erməni KİV-lərinə istinadən xəbər verir ki, Acamyanın hüquqi varisinin nümayəndəsi Hayarpi Sarkisyan bu nəticələrlə hərbi qulluqçunun intihar versiyasını rədd edir.
Sarkisyanın sözlərinə görə, məhkəmə-tibbi ekspertiza nəticəsi ilə cəsədin üzərinə zədələr tapılıb.
“Məhkəmə həkiminin sözlərinə görə, ölümündən bir neçə dəqiqə əvvəl qanaxmaya səbəb olan möhkəm, küt əşya ilə alnına zərbələr endirilib. Yəni, Artur Acamyana güllə yarası almazdan əvvəl zorakılıq tətbiq edilib”, - deyə Sarkisyan bildirib.
Alpər Mövludoğlu
Ordu.az

Mənbə: ordu.az