Bakıda hamilə qadına qarşı soyğunçuluq edən şəxs həbs edilib.

“Qafqazinfo”nun verdiyi xəbərə görə, 34 yaşlı Bəhruz Muradov Səbail rayonunda axşam saatlarında bir hamilə qadını izləyib. Qadın bankomatdan pul çıxarıb evə doğru getməyə başlayıb. B.Muradov da onun arxasıyca gedib və küçənin qaranlıq hissəsində qadının əlindəki pul kisəsini əlindən alaraq qaçıb. Pul qabının içində 390 manat olub.
B.Muradov saxlanılıb və həbs edilməsi üçün məhkəməyə çıxarılıb.

O, məhkəmədə hakimə narkotik istifadəçisi olduğunu, həbs edilərsə ona çətinlik yaranacağını deyərək azadlığa buraxılmasını xahiş edib.

Məhkəmənin qərarı ilə B.Muradov barəsində 3 ay müddətinə həbs qətimkan tədbiri seçilib.

Mənbə: qafqazinfo.az