“Qarabağ” verdiyi sözə əməl etmədi” - Donald Gerye

Xəbər verdiyimiz kimi, “Qarabağ” haitili legioneri Donald Gerye ilə yolları ayırıb.

 

“Qafqazinfo”ya açıqlama verən təcrübəli yarımmüdafiəçi Ağdam klubundan ayrılmasına münasibət bildirib:

 

““Qarabağ”la müqaviləmi pozdum, çünki onlar verdikləri sözə əməl etmədilər. Biz mənim istədiyim məbləğə razılaşdıq. Kluba dedim ki, əvvəlcədən ödəniş istəyirəm. 5 iyunda müqavilə imzalamadı idik. Onlar müqavilədən öncə pul verəcəklərinə söz verdilər. Amma buna əməl etmədilər. Dedilər ki, Bakıya gəl. 5 iyulda Azərbaycana gələcəkdim. Lakin onlara bildirdim ki, mən ilk ödənişi almadan oraya gəlməyəcəm. Razılaşdığımız kimi olmadığı üçün gəlmədim”.

 

Donald bildirib ki, onun illik müqaviləsi 380 min dollar olmalı imiş: “Müqavilədə nəzərdə tutulan pulun 180 minini əvvəlcədən mənə verməli idilər”.

 

Elsevər Məmmədov

 

 

Qafqazinfo.az

ƏVVƏLKİ XƏBƏR

Azər Axşamı şikəst həyat yoldaşını atdığına görə QINADILAR — FOTO

SONRAKI XƏBƏR

Şəkidə yük maşını hasara çırpılıb, iki az yaşlı xəsarət alıb