“Qarabağ” – “Linfild” oyununun hakimləri açıqlanıb

Avropa Liqasının pley-off mərhələsinin cavab oyunları çərçivəsində keçiriləcək “Qarabağ” – “Linfild” matçının hakimləri açıqlanıb.

APA-nın məlumatına görə, Azərbaycan və Şimali İrlandiya çempionlarının qarşılaşması rusiyalılara tapşırılıb.

Sergey İvanov baş hakim, Roman Usaçov və Valeri Dançenko köməkçi hakimlər olacaq. Sergey Lapoçkin isə dördüncü hakim funksiyasını yerinə yetirəcək.

Avqustun 29-da keçiriləcək matçın hakim-inspektoru lüksemburqlu Alan Hamer, UEFA nümayəndəsi sloveniyalı Marko Simeunoviç olacaq.

Görüş Bakıdakı Tofiq Bəhramov adına Respublika stadionunda keçiriləcək.

Qeyd edək ki, ilk oyunda “Linfild” 3:2 hesabı ilə qalib gəlib.

Apa.az

ƏVVƏLKİ XƏBƏR

"İnterpol" narkotik alverçisi olan azərbaycanlı barədə axtarış elan etdi

SONRAKI XƏBƏR

Paşinyandan Rusiyaya növbəti zərbə