Kiyevdə amputasiyalı müharibə veteranlarından ibarət heyətdə minifutbol üzrə Ukrayna və Azərbaycan komandaları qarşılaşacaq

Bakı, 11 sentyabr, AZƏRTAC

Bu gün Kiyevdə amputasiyalı müharibə veteranlarından ibarət minifutbol üzrə Ukrayna və Azərbaycan komandaları arasında beynəlxalq yoldaşlıq görüşü keçiriləcək.

AZƏRTAC Ukrayna Prezidentinin ofisinə istinadla bildirir ki, yarışlar Ukrayna müdafiəçilərinin idman vasitəsilə reabilitasiya proqramı çərçivəsində, Ukrayna Prezidentinin döyüş əməliyyatları iştirakçılarının reabilitasiya məsələləri üzrə müvəkkili Vadim Sviridenkonun təşəbbüsü ilə keçirilir.

Ukrayna Müdafiəçilərinin İdman Reabilitasiyası Milli Şurası, Ukrayna Futbol Assosiasiyası, Kiyev Şəhər Antiterror Əməliyyatlarının İştirakçılarına Yardım Mərkəzi və Ümumukrayna Müharibə, Silahlı Qüvvələr və Hərbi Döyüş Əməliyyatları İştirakçıları Təşkilatı tədbirin təşkilatçıları qismində çıxış edir.

Oyun Ukrayna Futbol Federasiyasının V.Bannikov adına təlim-məşq kompleksində keçiriləcək.

Azertag.az

ƏVVƏLKİ XƏBƏR

SƏRKSYAN VƏ KOÇARYAN “AMULSAR İNQİLABI”NA BAŞLAYIRLAR:Paşinyan müdafiə taktikasına keçir – Araşdırma

SONRAKI XƏBƏR

Bəzi məktəbli çantaları uşaqlarda cinsi yetişkənliyə səbəb olur - Döşlərdə böyümə... – Pediatrdan ŞOK AÇIQLAMA