Bakı, 9 oktyabr, AZƏRTAC
Oktyabrın 10-da Men adasında şahmat üzrə “FIDE Grand Swiss 2019” turniri start götürəcək.
AZƏRTAC xəbər verir ki, iddiaçılar turnirinə vəsiqə qazandıracaq turnirdə 154 şahmatçı, o cümlədən reytinqi 2700-dən yuxarı olan 21 qrossmeyster mübarizə aparacaq.
Yarışda Azərbaycanı Rauf Məmmədov, Nicat Abbasov, Vasif Durarbəyli və Eltac Səfərli təmsil edəcəklər.
Turnirə oktyabrın 21-də yekun vurulacaq.
Mənbə: azertag.az