Bakı, 10 oktyabr, AZƏRTAC

Qətərin paytaxtı Dohada Milli Olimpiya Komitələri Assosiasiyasının (ANOC) Dünya Çimərlik Oyunları keçiriləcək.

Azərbaycan Milli Karate Federasiyasından (AMKF) AZƏRTAC-a verilən məlumata görə, ilk dəfə keçiriləcək yarışın proqramına karate də daxil edilib.

AMKF-nin prezidenti Yaşar Bəşirov və kata üzrə milli komandanın baş məşqçisi Vahid Ayvazovun rəhbərliyi altında karateçimiz Roman Heydərov kata yarışlarında mübarizə aparacaq.

Dünya Çimərlik Oyunlarında kata yarışları oktyabrın 12-13-də keçiriləcək.

Mənbə: azertag.az