Azərbaycanın gənc gimnastı: Çempion olmağı arzulayıram

Bakı. Cani Babayeva - Trend:

İdmanda böyük uğurlar əldə etməyi arzulayıram.

Bunu Trend-ə bədii gimnastika üzrə 26-cı Azərbaycan və Bakı birinciliyinin iştirakçısı, İsmayıllıdan olan gənc gimnast Ayan Orucova deyib.

O, gimnastikanı özünün seçdiyini deyib:

“Valideynlərim isə məni dəstəkləyib. Mən gələcəkdə çempion olmağı, Azərbaycanı beynəlxalq yarışlarda təmsil etməyi arzulayıram”.

İdmançı bildirib ki, o, Milli Gimnastika Arenasında təşkil olunan yarışlarda təkcə iştirak etməkdən yox, həm də bu yarışları izləməkdən zövq alır.

Qeyd edək ki, bu gün bədii gimnastika üzrə 26-cı Azərbaycan və Bakı birinciliyi, 6-cı bölgələrarası kubok və aerobika gimnastikası üzrə 5-ci ölkə birinciliyi və paytaxt çempionatına start verilib.

Dörd günlük yarışda gimnastlar gənclər, yeniyetmələr, uşaqlar və balacalar yaş qruplarında medallar uğrunda mübarizə aparacaqlar.

Çempionatın birinci günündə balaca gimnastlar alətsiz, halqa və gürzlərlə proqramlarını təqdim edirlər.

Trend.az

ƏVVƏLKİ XƏBƏR

SON DƏQİQƏ: Oglan valideynlərinə VACİB xəbər - Əsgərliklə bağlı RƏSMİ AÇIQLAMA

SONRAKI XƏBƏR

Dünyaca məşhur türkiyəli alim Bakıya gəlir