UEFA nümayəndəsi: Bu il Bakıda növbəti futbol bayramı yaşanacaq

Bakı gözəl şəhərdir. Ötən il bu gözəl şəhərdə UEFA Avropa Liqasının final oyunu yüksək səviyyədə təşkil olundu. 2020-ci ildə Bakıda növbəti futbol bayramı yaşanacaq. Əsrarəngiz paytaxtınız “Avro-2020”nin dörd oyununa ev sahibliyi edəcək.

AZƏRTAC xəbər verir ki, bu sözləri UEFA-nın milli assosiasiyaların inkişafı departamentinin rəisi Terri Favre AFFA-nın yanvarın 28-də təşkil olunan konfransındakı çıxışında deyib.

UEFA-nın nümayəndəsi yerli azarkeşlərin Avropa çempionatının Bakıda keçiriləcək oyunlarından əsasən Türkiyə millisinin görüşlərinə daha böyük maraq göstərəcəklərini vurğulayıb. Ölkəmizdə futbolun kütləviliyinin artırılması istiqamətində görülən işləri yüksək qiymətləndirən qonaq AFFA-ya fəaliyyətində uğurlar arzulayıb.

Azertag.az

ƏVVƏLKİ XƏBƏR

60 yaşlı qadın keks yemə yarışında öldü

SONRAKI XƏBƏR

Ukrayna Elm və Texnologiya Mərkəzi 2020-ci il üçün tədqiqat proqramı elan edib