Bu gün futzal üzrə Azərbaycan millisi dünya çempionatının elit-raund mərhələsində ilk oyununu keçirəcək.

"Report"un məlumatına görə, rəqib Xorvatiya yığması olacaq. Osiek şəhərindəki “Qradski vrt Arena”da təşkil olunacaq qarşılaşma Bakı vaxtı ilə saat 23:00-da başlayacaq və CBC Sport kanalı vasitəsilə canlı yayımlanacaq. Görüşü italiyalı hakimlər - Angelo Galante, Nicola Manzione və Alessandro Malfer idarə edəcəklər.C qrupunda bu komandalardan başqa Rusiya və Slovakiya yığmaları da yer alıb. Reqlamentə əsasən, elit-raundda qrup qalibi olacaq 4 komanda birbaşa dünya çempionatına yüksələcək. Qrupları ikinci pillədə başa vuranlar isə "pley-off"da üz-üzə gələcəklər. Mundial 12 sentyabr - 4 oktyabrda Litvada təşkil olunacaq.

Mənbə: report.az