Türkiyə kubokunda 2019-2020 mövsümünün final oyununun yeri açıqlanıb.

"Report" Türkiyə Futbol Federasiyasının rəsmi saytına istinadən xəbər verir ki, həlledici qarşılaşma Atatürk Olimpiya Stadionunda keçiriləcək.

Görüşün vaxtı dəyişdirilib. Mayın 21-nə nəzərdə tutulan final oyunu həmin ayın 5-nə keçirilib.

Qeyd edək ki, kubokun yarımfinalında "Fənərbaxça" "Trabzonspor", "Antalyaspor" isə "Alanyaspor"la qarşılaşacaq. Görüşlər martın 3-də və aprelin 21-də olacaq.

Mənbə: report.az