Apple-ın iPhone 11 də üç kameralı quruluşdan istifadə edəcəyini bilirdik. Son məlumatlara görə, Apple bu tənzimləməni yalnız iPhone 11-də istifadə etməyəcək və iPad Pro da üç kameralı quraşdırma olacaq.

Milli.Az chip.az-a istinadən bildirir ki, bu məlumat Çindəki bir təchizatçıya söykənir və 2019 iPad Pro'nun üç kameralı bir qurğu ilə istifadəyə veriləcəyi ehtimal edilir. Buna şübhə ilə yanaşsaq da qeyri-mümkün görünmür.

Hazırda bazara çıxan iPad Pro, 12 MP kameraya sahibdir, buna görə cəmi bir il ərzində bir obyektivdən üç kameraya keçməsi əlamətdar bir dəyişiklik olacaq.

Əslində, iPad Pro arxa kamerasında Portret rejimini dəstəkləmir, amma məlumata görə, yeni üçlü kamera bu cür xüsusiyyətləri planşetə gətirə bilər. Bundan əlavə, üç kameralı quraşdırma, genişlənmiş reallıqları artırmaqla 2019 iPad Pro-nun işini yaxşılaşdıra bilər.

 

10,2 düymlük iPad modeli ikili kamera tənzimləməsi ilə də gələ bilər. Bu model 9,7 düymlük 2018 iPad-ı əvəz edəcək. Əslində bu dəyişikliklərin iPad modelləri üçün böyük dəyişiklik olduğunu söyləmək səhv olmaz.

Milli.Az

Mənbə: news.milli.az