Tokio, 9 oktyabr, AZƏRTAC

“Sony” şirkəti növbəti nəsil “PlayStation 5” oyun konsolunu 2020-ci ilin sonlarında, Milad bayramı ərəfəsində satışa buraxmağı planlaşdırır.

AZƏRTAC şirkətin rəsmi saytına istinadla xəbər verir ki, “PlayStation 5” təkmilləşmiş qrafikaya malikdir və şüaların trası texnologiyasını dəstəkləyəcək. Bu, hərəkət edən obyektlərdə işıq effektlərinin real əks olunmasına müsbət təsir göstərəcək. Yeni konsol oyunları daha sürətlə yükləmək imkanına malik olacaq. Konsulun yeni komponenti qeympadın oyun səhnələrinə reaksiya verən vibrasiya ilə cavab verməsinə şərait yaradacaq. L və R düymələri oyuna uyğun olaraq adaptasiya edəcək.

Xatırladaq ki, şirkətin nümayəndələri əvvəllər “PlayStation 5” konsolunun gələn il çıxacağını desələr də konkret tarix bildirmirdilər. “Sony”nin oyun konsolları üzrə əsas rəqibi hesab edilən “Microsoft Corporation” bu günlərdə yeni nəsil “Xbox” konsolunun gələn ilin sonlarında buraxılacağını açıqlayıb.

Ötən maliyyə ilində “Sony”nin indiki nəsil “PlayStation 4” konsulunun istehsalı ilə məşğul olan bölməsi təqribən 3 milyard dollar əməliyyat gəliri çərçivəsində 20 milyon dollardan çox xalis mənfəət əldə etdiyini bildirib. Bu göstəricilərin hər ikisi “Sony”nin bütün digər bölmələrinin gəlirlərini üstələyib.

Vüqar Ağayev

AZƏRTAC-ın xüsusi müxbiri

Tokio

Mənbə: azertag.az