Apple-ın yeni məhsulu 1 noyabrda istifadəyə veriləcək

Texnoloji avadanlıqların istehsalında özünəxas yer tutan Apple şirkəti 1 noyabrda yeni məhsulunu istifadəyə verəcək.

Həm mobil cihaz, həm də digər texnoloji avadanlıqlar istehsal edən Apple 1 noyabr tarixində Apple TV+ xidmətini təqdim edəcək. Netflix, Disney TV və bu kimi xidmətlərlə rəqabətə hazırlanan Apple şirkəti yeni məhsulunun aylıq ödənişini 4.99 ABŞ dolları təyin edib.

Mediyaya sızan məlumata görə iPhone istehsalçısı Apple TV+ və Apple Music xidmətlərini vahid paket halında təqdim etməyi düşünür.

Hal-hazırda yeni iPhone, iPad və ya Apple TV alınanda şirkət yeni məhsulunu bir illik ödənişsiz təklif edir. Həmçinin təqdim edilən bu abunəliyi əlavə heç bir ödəniş etmədən 6 nəfərə qədər digər ailə üzvləri ilə paylaşmaq mümkündür.

Aşağıda qeyd olunan cihazlarda Apple TV+ xidmətindən istifadə etmək mümkün olacaq:

- iOS və ya iPadOS-un son versiyasına sahib olan iPhone, iPad və ya iPod touch

- tvOS-un son versiyasına sahib olan Apple TV 4K və ya Apple TV HD

- Üçüncü nəsil Apple TV

- Apple TV tətbiqini dəstəkləyən hər hansısa Smart TV

- MacOS-un son versiyasına sahib olan bir Mac

Həmçinin Safari, Firefox və ya Chrome brauzerindən tv.apple.com saytına daxil olaraq da Apple TV+ xidmətindən istifadə etmək mümkün olacaq.

Apple TV + abunəliyinə nələr daxildir?

Reklamsız yayım təklif edən Apple TV+ istifadəçiləri filmləri 4K HDR keyfiyyət və Dolby atmosterdə izləyə biləcəklər. Həmçinin internet bağlantısı olmadan da film izləmək istəyənlər üçün əlavə edilmiş oflayn funksiya da var. Belə ki, istifadəçilər iPhone, iPad, iPod touch və Mac cihazlarında internet olmadan da film və film epizodlarını izləmək üçün onları öncədən yükləyə biləcəklər.

100-dən çox ölkədə fəaliyyət göstərəcək Apple TV+ ilk 7 gün ödənişsiz olaraq aktiv olacaq. Lakin verilən müddət bitdikdən sonra sistem aylıq abunə təklif edir. Aylıq ödənişlə bağlı və daha ətraflı məlumat əldə etmək üçün göstərilən linkə keçid edə bilərsiniz: Apple TV+ haqqında daha ətraflı məlumat

“Marja.az” bu xəbəri Marcom Marketinq və Kommunikasiya şirkətinin dəstəyilə təqdim etdi.

Marja.az

ƏVVƏLKİ XƏBƏR

“Haqlıdırlar...” – Ruhanidən Türkiyəyə gözlənilməz dəstək

SONRAKI XƏBƏR

“Everton” Cenk Tosunu göndərir – Qətər klubuna