SpaceX, NASA ilə Ticarət Komanda Proqramının inkişafını müzakirə etmək üçün bir tədbir təşkil etdi. SpaceX şirkətinin baş direktoru Elon Musk NASA-nın SpaceX texnologiyasını tədbirdə istədiyi hər kəslə paylaşa biləcəyini açıqladı.

Milli.Az techland.az-a istinadən bildirir ki, SpaceX və NASA-nın tərəfdaşları olduğu Ticarət Komanda Proqramına, NASA astronavtlarının SpaceX vasitələri ilə kosmosa daşınması işləri daxildir. NASA-nın icraçı direktoru Jim Bridenstine, bu yaxınlarda SpaceX-in Ticarət Komanda Proqramını ciddi qəbul etməməkdə ittiham etdi.

Elon Musk, NASA icraçı direktoru Jim Bridenstine üçün, "Jim ilə çox açıq danışdım və SpaceX-in məlumatlarının mülkiyyət sayılmaması lazım olduğunu çox açıq şəkildə bildirdim. Rəqiblərimizdən hər hansı biri istifadə edə bilər. Tamamilə pulsuzdur." dedi.

Musk, SpaceX-in, NASA uyğun gördüyü kimi, əqli mülkiyyətini sərbəst şəkildə paylamaq üçün masada olduğunu qeyd etdi. Elon Musk dedi, "mən açıq olmaq istəyirəm, NASA bütün intellektual mülklərimizi NASA-nın istədiyi hər kəslə bölüşə bilər".

Jim Bridenstine, NASA-nın bu sərbəstliyi yüksək qiymətləndirdiyini, lakin nəzərə alınacaq potensial paylaşımda məhdudiyyətlərin olduğunu söylədi.

Milli.Az

Mənbə: news.milli.az