Hər gün insanlar smartfonlardan istifadə edirlər. Onlar qeydləri, kameranı, zəngli saatı və bir çox başqa şeyləri əvəz etdilər. Ancaq cib telefonunuzu müntəzəm olaraq istifadə etmək təhlükəsizdirmi?

Ens.az xəbər verir ki, elm adamları apardıqları tədqiqatlardan sonra tez-tez cib telefonu ilə vaxt keçirən insanların, az vaxt keçirənlərlə müqayisədə beynində daha az boz maddənin olduğu qənaətinə gəliblər. Bundan başqa, mütəxəssislər gadjet-lərdən asılı insanlarda beyin formasının standartdan fərqli olduğunu təsbit ediblər.

Məlumat əldə etmək üçün elm adamları tez-tez smartfon istifadə edən 22 könüllü və bu asılılığı olmayan 26 nəfəri araşdırmaya cəlb edib.

Mütəxəssislər MRT-dən istifadə edərək onların beynlərini müayinə ediblər. Yuxarıda qeyd olunan dəyişikliklərin cihazlardan asılı olan insanlarda baş verdiyi məlum olu. Bu cür asılılıq narkomaniyaya bənzəyir.

Bu, smartfonun müntəzəm istifadəsinin beynindəki dəyişikliklərə necə təsir etdiyini sübut edən ilk təcrübədir.

Alimlər nəticələrdən narahatdırlar, çünki gadjetlərın populyarlığı yalnız artır və uşaqlar da onlardan həvəslə istifadə etməyə hazırdırlar.

Texnoloji tərtibatçılar istifadəçiləri mobil qurğular dünyasına necə cəlb etmək üçün getdikcə daha çox yeni həll yolları tapırlar və buna nail olurlar. Eyni zamanda, araşdırmalardan sonra alimlər sağlamlığa və emosional vəziyyətə zərər verməmək üçün ekran vaxtını azaltmağa çağırırlar. Hansı tərəfə üstünlük veriləcək - zaman xəbər göstərəcək.

Mənbə: www.ens.az