Braziliyada alimlər bir xəstədə aşkarlanan yeni koronavirusun genini deşifrə ediblər.

KONKRET.az xəbər verir ki, bu haqda məlumat Braziliya Səhiyyə Nazirliyinin Adolfo Lutz İnstitutunun Milli Tədqiqat Laboratoriyasının saytında yerləşdirilib.

Tədqiqatın nəticələri bölgədəki ilk xəstəlik aşkarlandıqdan 48 saat sonra əldə edilib. İş Tropik Təbabət İnstitutu, San-Paulu Universiteti və Britaniyanın Oksford Universitetinin əməkdaşları ilə birlikdə həyata keçirilib.

Alimlərin fikrincə, əldə olunan məlumatlar yeni bir virusa qarşı vaksin yaratmağa kömək edə bilər.

31 dekabr 2019-cu ildə Çin hakimiyyəti vətəndaşların Uxanda sətəlcəm xəstəliyinə tutulduğunu elan edib. Xəstəliyin törədicisi, Covid-2019 rəsmi adı verilən yeni bir koronavirus növüdür.

Mənbə: konkret.az