Kənd Təsərrüfatı Nazirliyi noyabr ayına qədər ölkədə pambıq yığımının başa çatacağına ümid edir. Bunu nazir İnam Kərimov deyib.

 

“Biz cari il pambıq yığımı prosesini sütrətləndirməyi planlaşdırırıq və noyabr ayına qədər bunu başa çatdırmaq niyyətindəyik”, - Kərimov bu gün Sabirabad rayonunda “Azərbaycan Respublikasında pambıqçılıqda 2019-cu ildə qarşıda duran vəzifələr” mövzusunda respublika müşavirəsində bildirib.

 

Həmçinin, nazir qeyd edib ki, bu il məhsul yğımı 2018-ci ilin göstəricisindən yüksək səviyyədə gözlənilir.

 

“Əvvəl 2019-cu ildə məhsul yığımında 13% artım proqnozlaşdırırdıq, lakin indi yığımın 25% artacağaın gözləyirik”, - Kərimov bildirib.

 

2018-ci ildə Azərbaycanda 232,2 min ton pambıq yığılıb.

 

Mənbə: marja.az