Vidadi Zeynalovun oğlunun və kürəkəninin Türkiyədə biznesi aşkarlandı - FOTOLAR

Vidadi Zeynalovun oğlunun və kürəkəninin Türkiyədə biznesi aşkarlandı - FOTOLAR

Ötən gün mediaya açıqlama verərərk Şamaxı rayonunda ona məxsus olan "Məlhəm" restoranını xanımıyla birgə işlətdiyini deyən Rabitə və Yüksək Texnologiyalar Nazirliyinin sabiq aparat rəhbəri Vidadi Zeynalovun oğlu Pərviz Zeynalovun və hazırda Rabitəbankda filial direktoru olan kürəkəni Nəriman Muradovun İstanbul şəhərinin Şişli ərazisində şərikli inşaat şirkətinin olduğu aşkarlanıb.

Bu barədə araşdırmaçı jurnalist Cavanşir Həsənli feysbuk səhifəsində yazıb.

Jurnalistin yaydığı sənəddə nizamnamə kapitalı 100 min türk lirəsi olan şirkətin payının 75 mini Pərviz Zeynalova, 25 mini isə Nəriman Muradova da aiddir.

Qlobal.az olaraq qeyd edək ki, sabiq aparat rəhbəri mətbuata məlum açıqlamasında toyuq-cücə saxladığını və taxıl əkdiyini də deyib.

Əldə etdiyimiz məlumata görə sabiq aparat rəhbərinin aqrar sektorda fəaliyyət göstərən və dövlətdən böyük miqdarda kreditlər almış aqro şirkətləri var.

Qlobal.az

 

 

Mənbə: qlobal.az