İran rəsmisi bildirib ki, beynəlxalq sularda belə quldurluq etməyin acı nəticələrini onu planlayanlar hökmən görəcəklər...

"Beynəlxalq sularda quldurluq və piratlıq etmək, ticarət gəmisinin nəqliyyatında təhlükə yaratmaq cavabsız qalmayacaq."

İnterAz SalamNews-a istinadla xəbər verir ki, bunu İranın Milli Təhlükəsizlik Ali Şurasının katibi kontr-admiral Əli Şəmxani deyib.

İranın yüksək rütbəli hərbi rəsmisi ötən gün Qırmızı dənizdə İranın neft gəmisinə edilən hücumla bağlı xüsusi komissiyanın təşkil edildiyini bildirib və vurğulayıb ki, bu komissiyanın araşdırmalarının nəticələri ölkə rəhbərliyinə və aidiyyatı qurumlara təhvil veriləcək.

Ə. Şəmxaninin sözlərinə görə əldə edilən görüntülərə əsasən təhlükəli nəticələrlə sonuclana biləcək bu hücumun mənbəyi haqda ipucu əldə edilib.

İran rəsmisi bildirib ki, beynəlxalq sularda belə quldurluq etməyin acı nəticələrini onu planlayanlar hökmən görəcəklər.

Qeyd edək ki, İran ötən gün sübh Qırmızı dənizdə 130 min barel neft daşıyan bir tankerinin hücuma məruz qaldığını, hazırda isə gəminin Fars Körfəzinə geri döndüyünü bildirib.

Mənbə: www.interaztv.com