Gürcüstan İqtisadiyyat və Davamlı İnkişaf Nazirliyi Bakı-Tbilisi-Qars (BTQ) dəmiryolu xətti üzrə sərnişin daşımalarının gecikməsinə münasibət bildirib.
Məsələ ilə bağlı APA-nın yerli bürosunun sorğusuna cavab olaraq nazirlikdən bildirilib ki, xətt üzrə sərnişin daşımalarına yalnız bütün təhlükəsizlik tədbirləri təmin edildikdən sonra başlayacaq.
“Yeni Bakı-Tbilisi-Qars dəmiryolu xəttinin Gürcüstan seksiyası ilə sərnişin daşımalarına yalnız layihə tam bitdikdən sonra başlanacaq. Məqsəd bütün təhlükəsizlik standartlarına cavab verməkdir”, – deyə qurumdan bildirilib.
Qeyd edək ki, BTQ üzrə sərnişin daşımalarına cari ilin avqust ayında başlanması planlaşdırılırdı. Azərbaycan Dəmir Yollar QSC-nin sədri Cavid Qurbanov layihə üzrə sərnişin daşımaların ləngiməsinin Gürcüstan tərəfində xüsusi əyləc sistemli lokomotivlərin olmaması ilə əlaqələndirib.
Mənbə: apa.az