Nazilə Səfərli ilə Aynur Dadaşova canlı efirdə DAVA ETDİLƏR — Mahnımı ifa edib, pulunu ödəməmisən!

Nazilə Səfərli ilə Aynur Dadaşova canlı efirdə DAVA ETDİLƏR  — Mahnımı ifa edib, pulunu ödəməmisən!

“Ona qalsa” verilişində qalmaqal yaşanıb.

“Ölkə.Az” xəbər verir ki, proqramın aparıcısı Nazilə Səfərli ilə müğənni Aynur Dadaşova arasında musiqiyə görə mübahisə düşüb. Şairə Nazilə Səfərli iddia edib ki, ona məxsus olan “Həsrətinlə sevişirəm gecələr” mahnısını ifa edən müğənni, onun pulunu ödəməyib. Aynur Dadaşova isə əksini iddia edib. O, musiqi üçün bəstəkar Ruslan Səfəroğluya 1500 manat ödədiyini bildirib. Tərəflər arasında mübahisə böyüdüyündən onlar bəstəkarı canlı efirə qoşublar.

Bəstəkar əsəbləşərək: “Bu məsələni niyə efirdə həll edirik, öz aramızda danışa bilməzdik?”,- deyə şairəyə iradını bildirib.

Nazilə Səfərli isə “Bunu efirdə deməsəydim, pulumu ala bilməzdim”, - cavabını verib. O, Ruslan Səfəroğludan məsələyə aydınlıq gətirməyini, onun pulunu kimin ödəyəcəyini bildirməyini istəyib.

Sonda bəstəkar bildirib ki, məsələni bu cür böyüdüb efirlərdə müzakirə etməyə ehtiyac yox idi.

“Nazilə xanım, sənin pulun məndədir, gəlib götürə bilərsiniz”, - deyə mübahisəli mövzuya son qoyub.

Ölkə.Az

Mənbə: olke.az