İtaliyanın sabiq baş naziri Silvio Berluskoni iki partiyaya xəbərdarlıq edib

Roma, 23 avqust, AZƏRTAC

Avqustun 23-də sağ mərkəzçi “Forza İtaliya” (“İrəli, İtaliya”) partiyasının sədri Silvio Berluskoni Prezident Sercio Mattarellanın iştirakı ilə keçirilən hökumət müşavirəsindən sonra Demokratik Partiyasına (DP) və “Beş Ulduz Hərəkatı” (M5S) partiyasına xəbərdarlıq edib.

AZƏRTAC ANSA agentliyinə istinadla xəbər verir ki, S.Berluskoni “uyğun olmayan” şəxslərdən təşkil edilən yalançı partiyaların əleyhinə olduğunu söyləyib.

Sabiq baş nazir hökuməti təşkil edən “Liqa” və “M5S” koalisiya partiyalarının “macəraları”ndan sonra sabit və etibarlı hökumətə ehtiyac duyulduğunu söyləyib.

S.Berluskoni parlamentdə sağ-mərkəzçi çoxluğunun yaradılmasının vacibliyini diqqətə çatdırıb, bunun mümkün olmadığı təqdirdə isə vaxtından əvvəl seçkilərin keçirilməsini labüd hesab edib.

 

Asiman Əsədov

AZƏRTAC-ın xüsusi müxbiri

Roma

Azertag.az

ƏVVƏLKİ XƏBƏR

“Gec-tez Türkiyə fövqəldövlət kimi öz yerini tutacaq ” - Tofiq Zülfüqarov

SONRAKI XƏBƏR

Gəncə-Samux yolunda avtomobil aşıb, xəsarət alan var