Erməni politoloq: “Paşinyanın əsl üzü budur, kim onunladırsa qəhrəman və qanunidir, kim ona qarşıdırsa oğrudur”

Erməni politoloq: “Paşinyanın əsl üzü budur, kim onunladırsa qəhrəman və qanunidir, kim ona qarşıdırsa oğrudur”

“Paşinyan, general Manvelin (istefada olan general Manvel Qriqoryan – red.) keçmiş köməkçisinə deyirsən ki, nə üçün əvvəllər Manvelin əmlakını satmayıb və pulları ölmüş oğlanların analarına paylamayıb? Bəs martın 1-də Ter Petrosyanla Azadlıq meydanında “Manvel, Manvel” qışqırığı, Manveli qəhrəmanlaşdırmaq və hələ 2008-ci ildə hakimiyyəti ələ keçirmək işində sizə kömək edən şəxsə yardım çağırışı nə üçün idi?”

Ordu.az xəbər verir ki, bunu erməni siyasi şərhçi Menua Harutyunyan öz “Facebook” səhifəsində qeyd edib.

Onun sözlərinə görə, 2008-ci ildə də Manvelin qılıncları, zinət əşyaları və sərvəti var idi, lakin o vaxt Manvelin sərvəti və çatışmazlıqları Paşinyanın gözünə görünmürdü.

“Çünki o vaxt general Manvel Paşinyana və Ter-Petrosyana lazım idi və bunun üçün də Manvel qəhrəman idi, lakin Manvelin ağlı vaxtında başına gəldi və Paşinyana kömək etmədi. Buna görə də indi o, cinayətkar, “duşonka” oğrusu olub. Paşinyanın əsl üzü budur, kim onunladırsa qəhrəman və qanunidir, kim ona qarşıdırsa oğrudur, quldurdur.Mənim aldanmış xalqım ...”, - deyə o qeyd edib.

Sevinc Əliyeva

Mənbə: ordu.az