Türkiyə ordusu Suriyanı bombalamağa başladı — VİDEO

Türkiyə ordusu Suriya ilə sərhəd bölgəsində “təhlükəsizlik zolağı” yaratmaq məqsədilə Fərat çayının şərqində əməliyyatlara başlayıb.

“Ölkə.Az” xəbər verir ki, "Barış Pınarı" ("Sülh Çeşməsi") adlı verilən əməliyyata Rəs-əl-Ayn bölgəsindəki PKK/YPG hədəflərinin vurulmasıyla start verib.

Xatırladaq ki, Türkiyə 2012-ci ildən etibarən Suriya ilə sərhəddə təhlükəsiz zonası yaratmaq istəsə də, geridə qalan 9 ildə buna nail ola bilməyib. Uzun danışıqlardan sonra ötən həftə Donald Tramp ABŞ əsgərlərini nəzarət məntəqələrindən geri çəkməyə razılıq verib. Bundan sonra Türkiyə ordusu sərhədi keçərək əməliyyata hazırlaşmağa başlayıb.

Türkiyə Cerablus-İraq sərhədi arasındakı sərhəd xəttində 35-40 kilometr dərinlikdə “təhlükəsizlik zolağı” yaratmaq niyyətindədir. Burada 1 milyon qaçqının yerləşdirilməsi üçün 10 qəsəbə və 5 min kəndin salınması nəzərdə tutulub. Bu qəsəbələrin hər birində 30 min, kəndlərin hər birində isə 5 min nəfər yerləşdiriləcək. Layihənin ümumi dəyəri isə 26 milyard dollardır.

 

Olke.az

ƏVVƏLKİ XƏBƏR

Memarlıq və İnşaat Universitetində beynəlxalq elmi-praktik konfrans keçirilib

SONRAKI XƏBƏR

Müsavatda “erkən final” - İsa Qəmbər partiyadanı dağıdanı seçdi