Azərbaycan Sərhəd Mühafizəsinin 100 illiyi münasibətilə “N” saylı hərbi hissədə konsert proqramı təşkil edilib

Yevlax, 10 oktyabr, AZƏRTAC

Bərdə Regional Mədəniyyət İdarəsi Yevlax Şəhər Mədəniyyət Mərkəzi Azərbaycan Sərhəd Mühafizəsinin 100 illik yubileyi münasibətilə “N” saylı hərbi hissədə “Azərbaycan güclü dövlətdir, onun güclü ordusu var” adlı konsert proqramı təşkil edib.

Bərdə Regional Mədəniyyət İdarəsindən AZƏRTAC-a bildiriblər ki, mərasimdə çıxış edənlər ulu öndər Heydər Əliyevin müəyyənləşdirdiyi milli sərhəd strategiyasının Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi altında müvəffəqiyyətlə həyata keçirilməsindən bəhs ediblər. Sərhəd mühafizə infrastrukturunun təkmilləşdirilməsi, hərbi texnikanın və xüsusi-texniki avadanlıqların yeniləşdirilməsi, ardıcıl həyata keçirilən islahatlar sayəsində Dövlət Sərhəd Xidmətinin sürətlə inkişaf edərək ölkəmizin sərhədlərini ən yüksək standartlar səviyyəsində mühafizə etməyə qadir olan bir quruma çevrildiyi bildirilib.

Tədbirdə 1992-ci il avqust ayının 22-də ulu öndər Heydər Əliyevin şəxsi iradəsi, nüfuzu və qətiyyəti sayəsində üçrəngli bayrağımızın müasir dövrdə Azərbaycan Respublikasının Silahlı Qüvvələrinin hərbi hissələrində ilk dəfə Naxçıvan sərhəd dəstəsində qaldırılması və Ulu Öndərin xeyir-duası ilə Sərhəd Qoşunlarının yaradılmasının məhz Naxçıvandan başlanması qürur hissi ilə qeyd edilib. Ulu Öndərin çağırışı ilə torpaqlarımızın erməni işğalçılarından azad edilməsi uğrunda könüllü olaraq döyüşlərə qatılan sərhədçilərdən ibarət xüsusi təyinatlı taborun Ağdərə istiqamətində mərdliklə vuruşması, bu döyüşlərdə rəşadət və şücaət nümunələri göstərməsi minnətdarlıq hissi ilə xatırlanıb, şəhid olmuş sərhədçilər ehtiramla yad edilib.

Tədbir Mədəniyyət Mərkəzinin “Amin” vokal instrumental ansamblının ifasında şən musiqi nömrələri ilə davam edib.

Azertag.az

ƏVVƏLKİ XƏBƏR

“Azərbaycan dövləti kimdir? Burada biz deyən olur!...” BU CÜR DANIŞAN İSLAM ŞAHBƏNDƏROV KİMDİR, KİMİN ADAMIDIR?

SONRAKI XƏBƏR

İsveçrə Konfederasiyası Kantonlar Şurasının sədri Sumqayıt Kimya Sənaye Parkında olub