Ukraynalılar Prezidentə və orduya daha çox etibar edirlər

Ukraynalılar Prezidentə və orduya daha çox etibar edirlər

Kiyev, 14 noyabr, AZƏRTAC

Ukrayna vətəndaşları Prezidentə, Nazirlər Kabinetinə, hökumətə, Ali Radaya və orduya daha çox etibar edirlər.

AZƏRTAC xəbər verir ki, bunu “Reytinq” sosioloji qrupu tərəfindən keçirilmiş sorğunun nəticələri təsdiq edir.

Rəyi soruşulanlar dövlət təsisatları arasında orduya və Prezidentə (60 faizdən çox) daha çox etibar edirlər. Nazirlər Kabinetinə (42 faiz), Ali Radaya (41 faiz) və Ukrayna Təhlükəsizlik Xidmətinə də etimadın səviyyəsi nisbətən yüksəkdir. Digər dövlət təsisatlarına daha çox inamsızlıq üstünlük təşkil edir. Məsələn, rəyi soruşulanların 32 faizi polisə etibar edir, 53 faizi etibar etmir, 28 faizi Ukrayna Milli Bankına etibar edir, 45 faizi etibar etmir. Dövlət Gömrük Xidməti ilə Maliyyə Nazirliyi üçün etibarlılıq və etibarsızlıq göstəriciləri müvafiq olaraq 21 və 52 faiz, 18 və 52 faizdir.

Sorğunun iştirakçıları yaşı 18-dən yuxarı və daha çox Ukrayna əhalisidir. Sorğuda 2 min respondent iştirak edib.

Rüstəm Məmmədov

Kiyev

Mənbə: azertag.az