Rəsmi Ankara beşinci nəsil qırıcıların istehsalına can atır

“Rusiya beşinci nəsil qırıcıları yaratmaq üçün öz texnologiyasını Türkiyə ilə bölüşməyə hazırdır”. Rusiyanın Hərbi-Texniki Əməkdaşlıq üzrə Federal Xidmətinin (FSVTS) direktoru Dmitri Şuqayevin açıqlamasında belə deyilir.

“RIA Novosti”nin yaydığı xəbərə görə, Dimitri Şuqayev daha sonra vurğulayıb ki, Türkiyənin milli qırıcılar hazırlamaq üçün əlində kifayət qədər imkanları var. Bu işdə biz də onlara ciddi şəkildə kömək edə bilərik.

O, həmçinin bildirib ki, Rusiyanın “S-400” zenit-raket sistemi 2020-ci ilin yazına qədər Türkiyə ordusunun istismarına veriləcək. Hazırda isə həmin sistemə xidmət göstərəcək hərbi mütəxəssislərin təlimləri davam edir.

Bu yaxınlarda Vaşinqtonda rəsmi səfərdə olan Türkiyə lideri Rəcəb Tayyib Ərdoğan Amerikanın “Patriot” hava hücumundan müdafiə sistemlərinin alınması üçün “S-400”-dən imtina etmək niyyətində olmadığını bəyan etmişdi.(musavat.com)

pia.az

Mənbə: pia.az