Dairələrin ləğvi yekunlaşdı – MSK ləğv üçün əsas tapmayıb

9 fevral seçkiləri ilə bağlı daha bir neçə dairəda nəticələrin ləğv olunacağı barədə yayılan məlumatlar təsdiqini tapmır.

Məlumat üçün deyək ki, dünən Mərkəzi Seçki Komissiyası (MSK) 74 saylı Lənkəran kənd, 35 saylı Xətai üçüncü, 33 saylı Xətai birinci və 80 saylı İmişli-Beyləqan seçki dairələrinin nəticlərini ləğv edib. Bu dairələrdə müvafiq sıralama ilə Hadı Rəcəbli, Rauf Arifoğlu, Hüseynbala Mirələmov və Çingiz Qənizadə qalib elan edilmişdi.

Bu dairələrdə nəticələrin ləğvindən sonra prosesin davam edəcəyi barədə məlumatlar yayılmağa başladı. Ən müxtəlif mənbələrdən israrla daha bir neçə dairənin – bəzi iddialara görə 15 – nəticələrinin ləğv olunacağı iddia edilirdi.

Yenisabah.az-ın MSK-ya yaxın mənbələrdən əldə etdiyi məlumata görə isə artıq proses dayandırılıb. MSK digər dairələrdən olan şikayətləri də araşdırıb. Hansısa dairədə nəticələrin ləğv olunması üçün əsas tapılmayıb.

Yenisabah.az

ƏVVƏLKİ XƏBƏR

İran polisi 1,7 tondan çox narkotik vasitə müsadirə edib

SONRAKI XƏBƏR

Rasim Balayev əməliyyat olundu: 4 ay sonra Türkiyəyə qayıdacaq