İradə Gülməmmədova vətəndaşlarla fərdi qaydada görüşdü - Foto

Bu gün Abşeron Rayon İcra Hakimiyyətinin başçısı İradə Gülməmmədova və Prezident Administrasiyasının məsul işçilərinin birgə iştirakı ilə vətəndaşlarla fərdi qaydada qəbul-görüş həyata keçirilib.

“Qafqazifo” xəbər verir ki, Xırdalan şəhərindəki Heydər Əliyev Mərkəzində baş tutan görüşdə səhiyyə, təhsil, mədəniyyət və digər xidmət təşkilatlarının rəhbərləri və bütün rayonu əhatə edəcək 60-a yaxın sakin iştirak edib. Ölkəmizdə aparılan quruculuq işlərindən, əldə edilən iqtisadi inkişaf haqqında ətraflı məlumat verən İ.Gülməmmədova rayon əhalisinin sürətlə artdığını qeyd edib. O bildirib ki, Prezident İlham Əliyevin insanlara layiqli xidmət göstərilməsi, vətəndaşların müraciətlərinə qayğı və həssaslıqla yanaşılması ilə bağlı tapşırıqları Abşeron RİH-i tərəfindən daim diqqətdə saxlanılır, vətəndaşların qəbulu cədvəlinə uyğun olaraq mütəmadi səyyar qəbullar keçirilir.

Qəbul zamanı hər bir vətəndaş diqqətlə dinlənilib və müraciətlərin bir qismi yerindəcə həllini tapıb. Qaldırılan digər məsələlər üzrə aidiyyəti məsul işçilərə müvafiq tapşırıqlar verilib.

 

Qafqazinfo.az

ƏVVƏLKİ XƏBƏR

Adam oğurluğunda ittiham edilən şəxslərlə bağlı gözlənilməz qərar

SONRAKI XƏBƏR

“Azərbaycanda media azadlığı var, internet azaddır, heç bir senzura yoxdur”