Bakı, 22 sentyabr, AZƏRTAC

Nəqliyyat vasitəsini qaçırdığına görə tutulmuş S.Xəlilovla bağlı Daxili İşlər Nazirliyinin (DİN) Baş Cinayət Axtarışı İdarəsinin və Yasamal Rayon Polis İdarəsinin 28-ci polis bölməsi əməkdaşlarının apardıqları əməliyyat tədbirləri ilə onun yeddi avtomobildən oğurluğa cəhd göstərməsi, bir avtomobildən isə sənəd oğurlaması da müəyyənləşdirilib.

Daxili İşlər Nazirliyinin mətbuat xidmətindən AZƏRTAC-a bildiriblər ki, iyulun 30-da Nəsimi rayonunun ərazisindəki evlərin birindən 300 manat məbləğində pul və noutbuk oğurlamaqda şübhəli bilinən Bakı şəhər sakini C.Cəfərov rayon polis idarəsinin 20-ci polis bölməsinin əməkdaşlarının keçirdikləri əməliyyat-axtarış tədbirləri nəticəsində saxlanılıb.

Faktlarla bağlı təhqiqat davam etdirilir.

Mənbə: azertag.az