“Əgər körpü deyiriksə, deməli, bu körpü həm mənəvi, həm iqtisadi, həm də siyasi dəyərdir. Özü də güneyli, quzeyli iki Azərbaycanı birləşdirir. Bundan da böyük əhəmiyyətli bir şey ola bilərmi?”

Publika.az xəbər verir ki, bunu Bakı Dövlət Universitetinin Tarix fakültəsinin Arxeologiya və Etnoqrafiya kafedrasının müdiri, tarixçi alim Kərəm Məmmədov işğaldan azad olunan Xudafərin körpüsü ilə bağlı danışarkən deyib.

Xudafərin körpüsünün böyük dəyər olduğunu vurğulayan K.Məmmədovun sözlərinə görə, bəzən yanlış informasiyalar verirlər ki, bu körpü Hülakilər dövründə salınıb: “O körpü ilk dəfə 1027-ci ildə Şəddadilər dövründə Fəzl ibn Məhəmməd tərəfindən salınıb. Nədənsə onu Hülakülər dönəminə gətirib çıxarırlar. Hülakilər dönəmindəki tamam ayrı körpüdür”.

“Bir də bir şey xoşuma gəlmədi, tez-tez işlədirlər ki, Ağa Məhəmməd şah Qaçar Azərbaycana hücum edib. Ağa Məhəməd şah Qaçar Azərbaycanı birlşdirməyə çalışıb”, - tarixçi alim əlavə edib.

“Xudafərin körpüsü işğaldan azad olunanda hansı hissləri keçirdiniz” sualına tarixçi alim belə cavab verib: “Bircə anlığa fikilərşin ki, sənin evinin qapısının açarı başqasının əlində idi, sən həmən o qapının üzərində nəzarəti ələ keçirmisən”.

Şamo Emin

Mənbə: publika.az