Azərbaycan ÜPİ-nin Administrativ Şurasının iclasında təmsil olunub

Azərbaycan rabitə administrasiyası 26-27 oktyabr tarixində keçirilən Ümumdünya Poçt İttifaqının (ÜPİ) Administrativ Şurasının iclasında təmsil olunub.

Regional Rabitə Birliyindən "APA-Economics"ə verilən məlumata görə, iclasın gündəliyində duran əsas məsələ ÜPİ-nin 27-ci Konqresinin keçiriləcək tarixinin və yerinin təyin olunması idi.

Qeyd edək ki, bu ilin avqust ayında Kotdivuarda keçirilməsi planlaşdırılan 27-ci UPU Konqres pandemiya səbəbindən təxirə salınmışdır ki, bu gözlənilməz vəziyyət ÜPİ üzv ölkələrinə və ÜPİ-nin Beynəlxalq Bürosuna ciddi problem yaratdı.

Administrativ Şurasının iclasında qərara alındı ki, Konqres 9-28 avqust 2021-ci il tarixlərində Kot-d'İvuarda keçirilsin. Lakin COVID-19-un yayılması ilə bağlı vəziyyət buna imkan verməsə, Konqres 2021-ci ilin sentyabrında ÜPİ-nin İsveçrədəki qərargahında keçiriləcək.

27-ci Konqresin keçiriləcəyi tarix və yer barədə ilkin qərar ÜPİ Administrativ Şurasının yaz sessiyasında müəyyənləşdiriləcək, son qərar isə 30 iyun 2021-ci il tarixinədək veriləcək.

Apa.az

ƏVVƏLKİ XƏBƏR

Azərbaycanın böhrandan çıxardığı ölkələr niyə haqq savaşına dəstək vermir? – “O ölkələr ikiüzlülük nümayiş etdirirsə...”

SONRAKI XƏBƏR

Koronavirusa görə Fransa çempionatında bu oyun təxirə salındı