Evdə müalicə olunan COVID-19 xəstələrinə dərmanı dövlət verir - Səhiyyə Nazirliyi

O, indiyədək ölkəmizdə 700-ə yaxın insanın bu virusdan dünyasını dəyişdiyini bildirib O, indiyədək ölkəmizdə 700-ə yaxın insanın bu virusdan dünyasını dəyişdiyini bildirib

Azərbaycanda COVID-19 xəstəliyini yüngül keçirən xəstələrə də dərmanlar dövlət tərəfindən verilir. Sputnik Azərbaycan-ın türk mətbuatına istinadən məlumatına görə, bu məlumatı Azərbaycanın Səhiyyə nazirinin müavini Elsəvər Ağayev Türk Konseyi Sağlıq Bilim Kurulunun toplantısında iştirak edərkən bildirib. E.Ağayev deyib ki, Azərbaycan Prezidenti İlham Əliyevin tapşırığı ilə iki ayda 4 min çarpayılıq 12 modul xəstəxana COVID-19 xəstələrinə xidmət üçün verilib. E.Ağayev COVID-19-u yüngül keçirən xəstələrin evdə izolyasiya olunaraq müalicələrini davam etdirdiklərini dilə gətirib. Nazir müavini Azərbaycanda koronavirusa yoluxma sayının gündəlik 500-600 təşkil etdiyini, ümumi xəstə sayının 53 mini keçdiyini söyləyib. E.Ağayev bu səbəbdən də təhsil müəssisələrində dərslərin iki həftəlik dayandırıldığını, onlayn təhsilə qərar verildiyini bildirib.

E.Ağayev çıxışı zamanı Azərbaycanda 7-8 bölgədə virusa yoluxma sayının artması səbəbindən giriş-çıxışa qadağa qoyulduğunu diqqətə çatdırıb. O, indiyədək ölkəmizdə 700-ə yaxın insanın bu virusdan dünyasını dəyişdiyini bildirib.

Sputnik.az

ƏVVƏLKİ XƏBƏR

"Qələbəsizlik sindromunu qıra bildiyimiz üçün sevinirəm" - Elmar Baxşıyev

SONRAKI XƏBƏR

“Taliban” hərəkatının saytında Azərbaycana dəstək –"BMT qətnamələri icra olunmayıb"