Həkim miqrenə səbəb olan qidaların adını açıqladı

Miqrenə təkan verən bir sıra amillər var, bunlar sərasına fastfud və zərərli qidalar da daxildir.

Publika.az Rusiya mətbuatına istinadən xəbər verir ki, bu barədə Rusiya Prezidenti Administrasiyasının Mərkəzi Klinik Xəstəxanasının nevroloqu Valeri Kuvayev məlumat verib.

Onun sözlərinə görə, miqrenə təsir edən amillər hər kəsdə individualdır, lakin bu, adətən müəyyən qidaların reaksiyası nəticəsində baş verir.

Nevroloq qeyd edib ki, baş ağrısının əsas təxribatçıları qırmızı və köpüklü şərablardır. Südlü şokolad da təkan rolunu oynaya bilər, lakin onun təsiri alkoqollu içkilərdən daha azdır.

Kuvayev aclığın da miqrenin meydana gəlməsində əhəmiyyətli bir faktor olduğunu bir daha xatırladıb: “Baş ağrısı gündəliyi tutmalısınız, bu sizə qida da daxil olmaqla hansı faktorların hücuma səbəb olduğunu müəyyənləşdirməyə kömək edəcək. Əgər hər hansı qidanın pis təsirini aşkarlasanız və miqrenlə birbaşa əlaqə tapasanız, ondan imtina edin”.

Aytən Məftun

Publika.az

ƏVVƏLKİ XƏBƏR

Artıq çəkili şəxslər xəstəliyi daha ağır keçirir

SONRAKI XƏBƏR

Rusiyadan Azərbaycana pomidor təzyiqi: Bu, başqa cür “xəstəlikdir”