“Moderna” və “Pfizer” şirkətləri tərəfindən hazırlanan koronavirus (COVID-19) peyvəndlərinin yan təsirləri açıqlanıb.

Teleqraf.com xəbər verir ki, məlumatı Amerika Tibb Assosiasiyasının mütəxəssisləri təqdim edib.

Açıqlamaya görə, “Moderna”nın testlərinə qatılan könüllülərin 2,7 faizində peyvəndin ilk dozasının tətbiq edildiyi bölgədə ağrı olub. İkinci dozada könüllülərin 9,7 faizində yorğunluq, 8,9 faizində əzələ, 5,2 faizində oynaq, 4,5 faizində isə baş ağrıları müşahidə edilib.

43 yaşlı bir könüllüdə 12 saat ərzində şiddətli qızdırma meydana gəlib.

“Pfizer” testlərinə qatılan insanların 4 faizində ikinci dozadan sonra baş ağrısı olub.

Yan təsirlərin zərərsiz olduğu bildirilib.

 

Mənbə: teleqraf.com