Ukraynada son sutkada 16 294 nəfərə koronavirus infeksiyası diaqnozu qoyulub.

Cebhe.info xəbər verir ki, bu barədə ölkənin Səhiyyə naziri Maksim Stepanov bildirib.

Ümumilikdə ölkədə pandemiya zamanı 709 701 COVID-19 hadisəsi qeydə alınıb.

“Bu gün Ukraynada 16 294 yeni koronavirus xəstəliyi COVID-19 qeydə alınıb. Xüsusilə 689 uşaq və 631 səhiyyə işçisi xəstələnib”, - deyə nazir qeyd edib.

Eyni zamanda Ukraynada son gündə 1 639 nəfər xəstəxanaya yerləşdirilib. 184 xəstə ölüb, 8 897 nəfər sağalıb.

Bu günlərdə Ukraynada koronavirus xəstələri üçün xəstəxanaların demək olar ki, 50%-nin dolu olduğu bildirilmişdi.

Alçina Amilqızı

Mənbə: cebhe.info